ആധുനിക കിളിപ്പാട്ട് - കവിത(പ്രശാന്ത് ചേര്‍ത്തല)

ഇന്നില്ലല്ലോ  നമ്മുടെ    നാട്ടിൽ

ചേക്കേറാനൊരു  ചില്ല , തേൻ -

നുകരാനൊരു  പൂവ് ...........

പണ്ട് കളിച്ചു രസിച്ചൂ നാം  -

ചില്ലകൾ തോറും  , തേൻ -

നുകർന്നൂ പൂവുകൾ തോറും ....

ഇന്നില്ലല്ലോ    നമ്മുടെ    നാട്ടിൽ ചേക്കേറാനൊരു ചില്ല ,

തേൻ -നുകരാനൊരു  പൂവ്  ...........

ഇന്നരുകിലായി കാണുന്നൂ നാം -

നമ്മുടെ മരണത്തെ ; സർവ്വ നാശത്തെ .

നമ്മോടൊപ്പം വരുവാനുണ്ടൊരു വർഗ്ഗം 

സ്നേഹിക്കാനറിയാത്ത  മനുഷ്യവർഗ്ഗം ..

ആറും തോടും വയലും കടലും , മണലിട്ട് -

നിരത്തി  കൊട്ടാരങ്ങൾ കെട്ടി പൊക്കീ ,

മണ്ണിൻ മലകളെ മാന്തി നിരത്തി

റോഡുകളിട്ടൂ വഴികളതാക്കീ ,

പൊക്കക്കാരൻ മരങ്ങളെയെല്ലാം

മാന്തി മറിച്ചും വെട്ടി നിരത്തീം ,

തണലില്ലാതാക്കീ ഭൂമിയെ നഗ്നയുമാക്കീ ..

നമ്മോടൊപ്പം വരുവാനുണ്ടൊരു വർഗ്ഗം

സ്നേഹിക്കാനറിയാത്ത മനുഷ്യവർഗ്ഗം

ആർത്തി ഭ്രാന്ത്  തലയ്ക്ക് പിടിച്ചൊരു  -

മനുഷ്യവർഗ്ഗം .........  മനുഷ്യവർഗ്ഗം ...

പ്രശാന്ത് ചേർത്തല

ഫാഹേല്‍ യൂണിറ്റ്