അക്ഷര ദേവത
അക്ഷരദേവതേ സരസ്വതി
അറിവിന്റെ ദേവതേ സരസ്വതി
ഓംകാരപ്പൊരുളിന്റെ ഉള്ളില് നിറയുന്ന
അനന്തമാം അറിവിന്റെ വെളിച്ചമേ.
നാവിലുദിക്കുന്ന വാക്കുകൾക്കപ്പുറം
നീയെൻറെ ബുദ്ധിയിൽ നിറയണമേ
അമ്മെ സരസ്വതി അറിവിന്റെ ദേവതേ
അറിവായി നിറയണം നീയെന്നിൽ
അഴകായ് നിറയണം നീയെന്നിൽ
കുഞ്ഞുകരച്ചിലായ് പിറവിയെടുത്തെന്നിൽ
നാദമായ് ശ്വാസമായ് കൂടെയുണ്ട്
ജീവിതപുസ്തക താളിലെയക്ഷര കൂട്ടുകാരിയായി കൂടെയുണ്ട് എന്റെ
ജീവിത പാതയിൽ നീയുണ്ട്.
അമ്മയായ് വന്നെന്റെ നാവിലുദിച്ചൊരാ
ആദ്യാക്ഷരമിന്നെന്നറിവായ്‌ തെളിയവേ
നാവിൽ വിളങ്ങണേ നീയെന്നുമമ്മേ
വീണാപുസ്തക ധാരിണി ദേവി
താമരപ്പൂവിൽ വാഴും സരസ്വതി.
അക്ഷര ദേവതേ സരസ്വതി
അറിവിന്റെ ദേവതേ സരസ്വതി
ഓംകാരപ്പൊരുളിന്റെ ഉള്ളിൽ നിറയുന്ന
അനന്തമാം അറിവിന്റെ വെളിച്ചമേ
സുലേഖ അജി
ഹസ്സാവി യൂണിറ്റ്
No comments:
Post a Comment