സാരഥി
കനലുകള്‍ പെയ്യുമി മണ്ണിന്റെ മാറില്‍
ഗുരുദേവ സൂക്തങ്ങള്‍ പാടുന്നു സാരഥി
മാനവ നന്മയ്ക്കു സാരഥ്യമരുളുവാന്‍
സംഘടിച്ചെന്നും വളരുന്നു സാരഥി
ഇന്ധനഭൂവില്‍ തളിരിട്ട സാരഥി
മലയാള നാടിന്റെ മാതൃക സാരഥി
ചാതുര്‍ വര്‍ണ്ണ്യത്തെ ചവിട്ടിയരച്ച
മഹാഗുരുവിന്റെ മന:സ്സാണു സാരഥി
സാമൂഹ്യ തിന്മകള്‍ക്കെതിരാണു സാരഥി
സമത്വത്തിനായി പൊരുതുന്നു സാരഥി
ആലംബഹീനരാം നാരായണീയര്‍ക്ക്
സ്വാന്തനമേകി വിളങ്ങുന്നു സാരഥി
നീതി ബോധത്തിന്‍ കരുത്താണു സാരഥി
സത്യധര്‍മ്മത്തിന്‍ പടയാളി സാരഥി
നിണമൊഴുക്കാതെ സമരം ജയിച്ചൊരു
ഗുരുവിന്റെ പാദത്തിലര്‍പ്പിതം സാരഥി
പതിറ്റാണ്ടു പിന്നിട്ട സാരഥ്യ ശോഭയില്‍
നിസ്തുലമായി മുന്നേറുന്നു സാരഥി
തളിര്‍ക്കട്ടെ പൂക്കട്ടെ മഹാ വൃക്ഷമാകട്ടെ
മാനവര്‍ക്കെന്നും തണലായി മാറട്ടെ സാരഥി
സിനില്‍ വിശ്വനാഥന്‍
അബ്ബാസിയ ഈസ്റ്റ് യൂണിറ്റ്
No comments:
Post a Comment