ശോഭ - അനുഭവ കുറിപ്പ് (അഖില കെ രവീന്ദ്രന്‍)

ശോഭ

പേര് പോലെ തന്നെ ശോഭ ആണ് എന്റെ 'അമ്മ..ഓരോ മക്കൾക്കും 'അമ്മ ആയുള്ള ബന്ധത്തിനു വാക്കുകൾ കാണില്ല. ഓരോ അമ്മയും വാക്കുകൾക്ക് അതീതമാണ് ....

തരുന്ന സ്നേഹം  അളക്കാൻ ഒരു ത്രാസ്സും ഇല്ല.

എന്റെ അമ്മയിൽ ഞാൻ ആദ്യം കാണുന്നത് 'അമ്മ എന്ന മകളെ ആണ്‌.

നാലു വയസ്സുള്ള എനിക്ക് ഒരു പാത്രത്തിൽ ചോറ് തന്നിട്ട്  പ്രായമായ  എന്റെ വല്യ അമ്മച്ചിക്ക്  ചോറ് വാരി കൊടുക്കുന്ന ശോഭ ..അന്ന് കുഞ്ഞു മനസിൽ 'അമ്മ ചോറ് വാരി നല്കാത്തതിന്റെ പിണക്കം ഉണ്ടായെങ്കിലും...അന്ന് ഞാൻ ശോഭ എന്ന മകളെ കണ്ടു...

പിന്നെ ഒരിക്കൽ വണ്ടിയിൽ നിന്നും വീണ് പരിക്കുകളുമായി നിറയെ ചോര ആയി വന്ന അച്ഛനെ നോക്കുന്ന.ശോഭ...അടുക്കള വാതിലിൽ കരഞ്ഞു ചുവന്ന കണ്ണുകളിൽ  നോക്കി ചോദിച്ചപ്പോൾ കണ്ണിൽ പൊടി പോയതാ എന്ന് പറഞ്ഞ ആ കണ്ണിൽ..ശോഭ എന്ന ഭാര്യയെ കണ്ടു..

രാത്രി വൈകി ഓളം ഉറക്കം വരുന്നില്ലെന്ന് പറഞ്ഞു പഠിക്കാൻ എനിക്ക് കൂട്ട് ഇരുന്ന  ശോഭ ..പനി ആകുമ്പോൾ അരികിൽ ചേർന്നിരിക്കുന്ന ശോഭ., ഞാൻ കണ്ടതും കണ്ടു കൊണ്ട് ഇരിക്കുന്നതും എല്ലാം  ശോഭ എന്ന അമ്മയെ ആണ് ....

ഒരുപാട് അകലെ നിന്നും ദിവസേന  ഉള്ള  ഫോൺ വിളികൾ.

ശോഭ ആണോ ഇത് എന്ന് ചോദിക്കുമ്പോൾ അല്ലല്ലോ ചിന്നു കുട്ടിയുടെ 'അമ്മ ആണല്ലോ എന്ന് മറുപടി പറയുമ്പോൾ നിറയുന്നു അമ്മേ മനസ്സും കണ്ണും....

ഒരായിരം ജന്മദിന ആശംസകൾ നേരുന്നു അമ്മേ,.....

അഖില കെ രവീന്ദ്രന്‍
അബ്ബാസിയ വെസ്റ്റ് യൂണിറ്റ്